Kóz jasy aryqtaýǵa kómektesedi - zertteý
NUR-SULTAN. QazAqparat - Kóz jasy aryqtaýǵa kómektesedi. Bul týraly zertteýlerge súıenip Stern nemis jýrnaly jazady, dep habarlaıdy QazAqparat.
«Adamdar ártúrli sebeppen jylaıdy. Ǵalymdar da kóz jasy týraly túrli zertteýler júrgizip keledi. Mamandar anyqtaǵandaı, qýanyshtan nemese dene jaraqatynan paıda bolǵan kóz jasy túrleriniń ataýlary bar jáne olardyń hımııalyq quramy ártúrli keledi. Ǵalymdar anyqtaǵandaı, kóz jasy emotsııalyq turǵydan ǵana emes, aryqtaý úshin de paıdaly», dep jazady basylym.
Maqala avtorynyń sózinshe, «psıholoııalyq kóz jasy» ıaǵnı, kúızelis, qaıǵy nemese kóńilsizdikten aǵatyn kóz jasy adam aǵzasyna erekshe áser etedi.
«Kalıfornııa oftalmology doktor Aaron Noıfeldtiń aıtýynsha, psıhologııalyq kóz jasy gormondarǵa áser etedi. Emotsıonaldy qıyn jaǵdaıda adam aǵzasynda kortızol atty gormon kóbeıedi. Bul maıdyń artýyna alyp keledi. Sol sebepti adam psıhologııalyq dıskomfort kezinde shokolad nemese fast-fýd jeıdi. Degenmen, eger osyndaı jaǵdaıda adam emotsııasyna erik berip, jylap alsa, kóz jasy «kortızoldy» shaıyp ketedi. ıAǵnı, onyń aǵzadaǵy mólsheri qalpyna kelip, artyq salmaq azaıa bastaıdy», dep jazylǵan maqalada.
Atap ótilgendeı, ádeıi jylaý aryqtaýǵa kómektese almaıdy. ıAǵnı, ol eshqandaı gormonǵa áser etpeıdi.
«Bul zertteý adam óz emotsııasyn basyp tastamaý kerektigin kórsetedi. ıAǵnı, kerek kezde jylap alǵannyń da paıdasy bar», - dep jazady avtor.
