Qoıý tútin, jaǵymsyz ıis: Qazgıdromet Astanada aýa sapasy nege buzylǵanyn túsindirdi

ASTANA. QazAqparat - Búgin, 29 sáýir áleýmettik jelilerde Astanada aýa sapasy buzylyp, qalany tútin tumshalaǵany týraly shaǵymdar jarııalandy. Aýa sapasynyń ındeksi keı jerlerde 278-ge jetken. Osyǵan oraı «Qazgıdromet» RMK mamandary túsinik berdi, dep habarlaıdy QazAqparat.

Kásiporyn taratqan aqparat boıynsha 26-28 sáýir aralyǵynda Astana qalasynda jaýyn-shashyn jaýmaǵan, sol aralyqta kúndizgi aýa temperatýrasy joǵary bolǵan.

«29 sáýirge qaraǵan túni Soltústik teńizden sýyq antıtsıklon aralasyp, jyly aýa massalary sýyqqa aýysty, túngi ýaqytta úp etken jel turmady, al bul atmosferanyń bulyńǵyrlanýyna ákeldi» dep túsindirdi Qazgıdromet.

28 sáýir saǵat 21.00-den 29 sáýir saǵat 21.00-ge deıin aýyspaly bult, tańerteń jáne tústen keıin jańbyr jaýyp, naızaǵaı jarqyldaıdy.

Soltústik-shyǵystan soqqan jeldiń ekpini kúndiz 15-18 m/s jetedi.

Túnde aýa temperatýrasy - 7-9, kúndiz - 18-20 gradýs jyly bolady.

«Meteorologııalyq jaǵdaı qala atmosferasynda lastaýshy zattardyń ydyrap, tarqap ketýine yqpal etedi» degen meteorologtar alańdaýǵa negiz joq ekenin jetkizdi.