Qoıshyǵara Salǵarauly: «Egemen Qazaqstan» – qazaqtyń 100 jyldyq shejiresi
«El gazeti júzge kelip jatyr. Bul jaı ǵana 100 jyl emes. 100 jyl – búkil qazaqtyń tarıhy, qazaqtyń 100 jyldaǵy is-áreketiniń shejiresi. Bul – úlken ári uly mektep. Bul uly mektepten ótken adammyn. 17 jyl jumys istedim. Gazettiń maǵan jasaǵan eń úlken jaqsylyǵy – qazaqtyń sol kezdegi mańdaıaldy azamattarymen suhbattasýǵa múmkindik berdi. Sol adamdarmen tildesý, suhbat úshin izdený, daıyndalý barysynda – árqaısysy maǵan bir-bir mektep boldy. Sol aǵalardyń tárbıesiniń arqasynda ol kezde jabyq Alash azamattarynyń eńbegin oqydym. Sonyń nátıjesinde buryn kóptiń biri – jýrnalıst retinde kún kórip júrgen, berilgen tapsyrmany durys oryndaýǵa umtylatyn adam bolyp kelsem – eldiń jaǵdaıyn oılaıtyn, halyqtyń muńyn joqtaıtyn azamat bolyp shyǵýyma birden-bir gazettiń arqasy», - dedi Qoıshyǵara Salǵarauly «Egemen Qazaqstan» gazetiniń 100 jyldyǵyna oraı elordada ótken halyqaralyq ǵylymı-praktıkalyq konferentsııada.
Qazaqstannyń eńbek sińirgen qaıratkeri osy gazette júrip, kóp adamdarǵa kómekteskenin eske aldy.
«Úsh adamnyń túrmeden shyǵýyna múmkindik berdim. Qazaly aýdanynda tekserýge baryp, jazǵan maqalam arqyly 10 adam sottalyp, bıýrosyn taratty. Ol – meniń jazǵyshtyǵymnan emes aǵaıyn. Ol – osy gazettiń myqtylyǵynan, halyqqa jany ashıtyndyǵynan. Al bylaı kómektesken adamym taǵy kóp. Men ǵana emes, gazette istegen qatarlastarymnyń bári sondaı boldy», - dedi ol.
Qoıshyǵara Salǵarauly «Egemen Qazaqstan» gazeti pendelikke barmaýǵa úıretkenin aıtady.
«Sonyń arqasynda gazetke jýrnalıst bolyp shyǵyp, tarıhshy bolyp shyqtym», - dedi tarıhshy.