Qoımadaǵy órt Almaty aýasyn lastady
ALMATY. QazAqparat – «Kazgıdromet» RMK Almatydaǵy qoımanyń órtenýinen soń jospardan tys tekserý júrgizdi. Atalǵan aımaqta atmosferalyq aýa synamasy alyndy, dep habarlaıdy QazAqparat tilshisi.
Bul tekserýdi «Kazgıdromet» RMK men Almaty Ekologııa departamenti uıymdastyrdy.
№1 núktede (Omarov, 12V/2) alynǵan synamada azot dıoksıdi 1,75 shekti yqtımal kontsentrat, fenol – 1,0 shekti yqtımal kontsentrat, al №2 núktede (Paladın kóshesi, 56B) azot dıoksıdi 2,65 shekti yqtımal kontsentrat kóterilgen.
Shamadan tys lastaný aýada baıqalmady.
Sonymen qatar, 18 shildede 16 monıtorıng postyndaǵy málimetke sensek, tańǵy 07:00-de azot dıoksıdi 1,4 ShYK kóterilgen. Basqa posttarda qalypty normadan tys kórsetkish baıqalmady.
Aıta ketý kerek, 18 shildede Omarov kóshesinde boıaý zattary saqtalǵan qoıma órtengen bolatyn.
