Qoıandyda jerúıde bolǵan pesh jarylysynan eki adam jaraqattandy
KÓKShETAÝ. Jeltoqsannyń 9-y. QazAqparat /Janmurat Janaıdarov/ - Aqmola oblysyna qarasty Tselınograd aýdany aýmaǵyndaǵy Qoıandy aýylynda bolǵan pesh jarylysynan eki adam dene jaraqatyn aldy,
dep habarlaıdy QazAqparat tilshisi oblystyq tótenshe jaǵdaılar departamentiniń baspasóz qyzmetine silteme jasap.
Jaısyz habar Malınovka aýylyndaǵy órt sóndirý bólimine jetisimen arnaıy jasaqtalǵan top qutqarý sharalaryna kirisip ketken. Úı ıesi 1974-shy jylǵy M.esimdi azamat Astana qalasyndaǵy oqý ortalyǵynyń ustazy. Sol kúngi tótenshe jaǵdaı saldarynan 1975-shy jylǵy esh jerde jumys jasamaıtyn A. jáne «ENGESKAZ» jaýapkershiligi shekteýli seriktestiginiń menedjeri, 1972 jylǵy M.esimdi azamattardyń denesiniń 35 paıyzy órtke shalynǵan. Elordaǵa jedel jetkizilgen zardap shekkenderge medıtsınalyq kómek kórsetilip, jandary aman qaldy. Buǵan deıin Býrabaı aýdanynyń ortalyǵy Şýche qalasynda kóp qabatty úıde bolǵan órtten J.esimdi 1958-shi jylǵy azamattyń máıiti tabylǵan bolatyn. Jaqsy aýdanyna qarasty «Zaporoje» aýylynda 37 jasar úı ıesi men eki jastaǵy sábı ıis tıip mert boldy. Bir jastan sál asqan bala aman qaldy. Qazirgi kezde quzyrly oryndar tergeý amaldaryn jalǵastyrýda.
