Qoıandy sý qoımasynan 2 bala qutqaryldy
ASTANA. QazAqparat - Aǵymdaǵy jyldyń maýsym aıynan bastap, EKSPO-2017 halyqaralyq kórmesin ótkizý merziminde Aqmola oblysy TJD Jedel-qutqarý jasaǵynyń qutqarýshylary Tselınograd aýdanyndaǵy Qoıandy sý qoımasynda qaýipsizdigin qamtamasyz etýde, dep habarlaıdy departamenttiń baspasóz qyzmeti.
Shildeniń 26 juldyzy kúni sý qoımasynda kezekshilikte júrgen qutqarýshylar kámeletke tolmaǵan 2002 jáne 1999 jyldary týylǵan balalardyń ómirlerin aman alyp qalǵan. Olar shomylyp júrip jaǵalaý boıynan jasandy sal taýyp alǵanda sonymen sý aıdyny betine júzip shyqqan. Qyzyqtyń áserinen jelmen sýdyń ortasyna súırep áketkenin de baıqamaı qalǵan. Dál osy tusta balalardy kózderi shalǵan qutqarýshylar oqıǵa ornyna dereý jetip, sýǵa bata bastaǵan balalardy sýdan alyp shyǵyp, jaǵaǵa jetkizdi. Jaǵalaýda olarǵa qajetti kómek kórsetilip, aldyn alý keńesi ótkizilgen.
Qutqarýshylardyń saýatty jáne shıraq qımyldarynyń arqasynda aýyr qaıǵynyń basy qaıtaryldy.
Bıylǵy shomylý maýsymy basynan 153 adam qutqarylyp, onyń ishinde 32 kámeletke tolmaǵandar bolǵan.
Sýda adamdarmen qaıǵyly jaǵdaıdy boldyrmaý úshin oblystyń sý aıdyndarynda azamattardyń qaýipsizdigin qamtamasyz etý boıynsha jasaq qutqarýshylary úlken jumys júrgizýde.
