Qoıandy men Qosshyda mektepter salynyp jatyr
NUR-SULTAN. QazAqparat - QR Bilim jáne ǵylym mınıstri Kúlásh Shámshıdınova elorda men qala mańyndaǵy mektep qurylysy jospary týraly aıtyp berdi, dep habarlaıdy QazAqparat tilshisi.
«Nur-Sultan qalasyna qatysty mańyzdy másele mektepke qatysty bolyp otyr. Sondyqtan Úkimet birinshi kezekte úsh aýysymdaǵy jáne apatty jaǵdaıdaǵy mektepter máselesin sheshýde. Munymen qosa, mektep tapshylyǵy problemasyna da ekrekshe nazar aýdarylýda», - dedi mınıstr elordadaǵy kópbalaly analarmen kezdesý barysynda.
Onyń sózine qaraǵanda, 2019-2021 jyldary elimiz boıynsha 190 mektep paıdalanýǵa beriledi.
«Onyń ishinde 19 mektep Nur-Sultanda salynady. Sonyń arasynda bıyl 14 mektep paıdalanýǵa berilse, qalǵany aldaǵy jyly tapsyrylady», - dedi vedomstvo basshysy.
Munymen qosa, elorda mańyndaǵy Qoıandy, Qosshy jáne Qajymuqan aýyldarynda úsh mekteptiń qurylysy júrgizilýde.
«Budan bólek, 2020-2021 jyldary qalanyń shetkeri aımaqtaryndaǵy qurylysqa qosymsha qoldaý jasaldy», - dedi mınıstr.
Budan buryn habarlanǵandaı, búgin eorda ákimdiginde QR Premer-Mınıstriniń orynbasary Gúlshara Ábdiqalyqova Elbasynyń «Áleýmettik qamqorlyq» jańa áleýmettik sharalarynyń negizgi baǵyttaryn túsindirý boıynsha kópbalaly analarmen kezdesti.
Sonymen qatar, sharaǵa Nur-Sultan qalasynyń ákimi Baqyt Sultanov, Eńbek jáne halyqty áleýmettik qorǵaý mınıstri Berdibek Saparbaev, Bilim jáne ǵylym mınıstri Kúlásh Shámshıdınova, Densaýlyq saqtaý mınıstri Eljan Birtanov qatysty.
