Qoıandaryn dalaǵa jibergen nemis blogeri mıllıondaǵan jazylýshysynan aıyryldy
ASTANA. KAZINFORM — Mıllıondaǵan oqyrmany bar nemis blogeri Alısııa Vosgraý krolıktiń ólimine baılanysty tergeý sharalaryna tartyldy, dep habarlaıdy DW basylymy.
Tamyz aıynda Shlezvıg-Golshteın jerinde janýarlardy qorǵaýshylarǵa Nordershtedt qalasyna jaqyn ormanda júrgen tórt úı qoıany týraly habar jetken edi. Jergilikti janýarlar úıi qyzmetkerleri olardy ustaýǵa tyrysqan, biraq bireýin ıt talap óltirip qoıǵan. Qalǵan úsh qoıan qaýipsiz jerge ornalastyryldy. Al olardyń ıesin izdeý barysynda daý shyǵyp, jaǵdaı qıyndap ketken.
ıAǵnı janýarlar úıine jetken málimet boıynsha, osyǵan uqsas qoıandar 27 jastaǵy bloger Alısııa Vosgraýdyń vıdeolarynda kóringen. Ol TikTok-ta 1,5 mln jazylýshysy bar, sondaı-aq Instagram-da 450 myń, YouTube-ta 230 myń fanaty bar tanymal bloger. Vosgraý ózin «ınflıýenser-analar» jáne balalar kitaptarynyń avtory retinde kórsetetinin aıtyp, qoıandardy balalar úshin ustaýdy toqtatýǵa sheshim qabyldaǵanyn, kúıeýimen birge olardy ormanǵa áketip, jaı ǵana bosatqanyn baıandaıdy.
Onyń bul áreketi synǵa ushyrap, jazylýshylardyń kópshiligi onyń paraqshalarynan shyǵyp ketti. Qoıandardy tapqan janýarlar úıi polıtsııaǵa shaǵymdandy. Áıelden janýarlardyń kútimi úshin birneshe myń eýro kóleminde ótemaqy talap etilip jatyr.
Oqıǵa sondaı-aq janýarlarǵa qatygezdik retinde de qaralyp jatyr. Endi Vosgraýǵa 25 000 eýroǵa deıin aıyppul salynýy múmkin.
Eske sala ketsek, janýarlardy jábirleıtinder qoǵamǵa da qaýip tóndiretinin aıtqan mamandar pikirin harııalaǵanbyz.