«Qoıandar» avtobýs jolaqysyn tólemes úshin chekti qoldan jasaıdy - CTS
NUR-SULTAN. QazAqparat - Bıyl astanada avtobýs aqysyn tólemegen 9 759 jolaýshyǵa jalpy somasy 59 mln teńgeden astam aıyppul salynǵan, dep habarlaıdy QazAqparat.
Bul jaıynda City Transportation Systems kompanııasy málimet taratty.
«Qoıandardyń» jol júrý aqysyn tólemeýdiń taǵy bir tásili - tólem týraly chekti qoldan jasaý. Olaı isteýge bolmaıdy. Mundaı faktilerdi kóliktik baqylaý departamentiniń qyzmetkerleri ońaı anyqtaıdy» dep eskertedi kompanııadan.
Esterińizge sala keteıik, elordalyq qoǵamdyq kólikte jol júrý quny - 90 teńge.
Aıta keteıik, jyl basynan bastap kóliktik baqylaý departamentiniń qyzmetkerleri jol aqysyn tóleýden jaltarýdyń 68 697 faktisin anyqtady.
Onyń ishinde 9759 jolaýshy jalpy somasy 59 mln teńgeden astam ákimshilik jaýapkershilikke tartyldy.
«Qurmetti jolaýshylar, jol aqysyn adal tóleýdi suraımyz. Avtobýstarda jol aqysy qolma-qol aqshasyz tólenedi: kólik kartasy nemese QR kod arqyly» deıdi CTS.
