Qoıandar 8 myń jyl burynǵy qazynany tapty
ASTANA. QazAqparat - Anglııanyń ońtústik-batysynda 8 myń jyl burynǵy qoıma tabyldy. Tas dáýiriniń bul jádigerlerin arheolog ǵalymdar emes, sol jerden in qazǵan qoıandar tapty, dep jazady utro.ru.
«Olar bir-birine jaqyn qylyp birneshe in qazǵan, al kóne jádigerlerdi topyraqpen birge syrtqa shyǵarǵan», - deıdi arheologtar tobynyń jetekshisi Dın Patton. Tabylǵan oljanyń arasynda jebe, t.b. kóne zattar bar. Ǵalymdardyń boljamy boıynsha, bul jerde myńdaǵan jyldar buryn aqsúıekter jerlengen kórinedi.
Dın Pattonnyń sózine qaraǵanda, oljany qoıandardyń tabýy - kezdese bermeıtin jaıt. Qazirgi kezde qazba oryndarynda zertteý jumystary júrgizilýde.
