Qoıan-qoltyq urystan əlem chempıondary elge oraldy
KÓKShETAÝ. QazAqparat - Aqmolalyqtar qoıan-qoltyq urys boıynsha ótken əlem birinshiliginde jeńiske jetken jerlesteri Zarına Qanafına men júldegerleri Regına Maksımova, Gúlnur Myrzataeva jəne Mədı Əlıəkparovty qýanyshpen qarsy aldy, dep habarlaıdy QazAqparat tilshisi.
Aqmola oblysynyń dene shynyqtyrý jáne sport basqarmasy baspasóz qyzmetiniń málimeti boıynsha, Kókshetaý temirjol vokzalynda chempıondardy jankúıerleri, oblystyq dene shynyqtyrý jáne sport basqarmasynyń ókilderi, jattyqtyrýshylary, týystary men dostary qushaq jaıa qarsy alǵan. Zarına Qanafına, Regına Maksımova, Gúlnur Myrzataeva jəne Mədı Əlıəkparovpen birge, olardyń jattyqtyrýshylary Bekzat Baımuratov, Aslan Zeınollaev, Jaslan Jantasov jáne Darhan Qasymov keldi.
«Men jeńiske jetken kezde qatty tolqydym. Ózime ózim sengen joqpyn. Sol kezdegi sezimimdi aýyzben jetkizý múmkin emes. Buǵan ərıne, barshańyzdyń qosqan úlesterińiz zor", dep óziniń qýanyshymen bólisti Zarına Qanafına.
Eske sala keteıik, jaqynda Reseıdiń Týla qalasynda Reseı, Qazaqstan, Belarýs, Grýzııa, Armenııa, Rýmynııa, Ázerbaıjan, Chehııa, Germanııa tárizdi álemniń 37 elinen jınalǵan 18 jasqa deıingi 300 ul men qyz jáne 21 jasqa deıingi jastar arasynda qoıan-qoltyq urystan əlem birinshiligi ótti. Jeńimpazdar 47 salmaq boıynsha anyqtaldy. Qazaqstan quramasy sapynda Aqmola oblystyq balalar men jasóspirimderdiń mamandandyrylǵan sport mektebiniń túlekteri boldy. Onyń ishinde 65 keli salmaqta synǵa túsken Zarına Qanafına jarys ıeleri Reseı jáne Iran eliniń sportshylaryn tize búktirip, álem chempıony atansa, Regına Maksımova (60 kg) Gúlnur Myrzataeva (50 kg) jáne Mádı Álıaqparov (36 kg) qola júldeger atandy. Budan bólek Regına Maksımovaǵa jeńiske degen jigeri úshin arnaıy kýbok tapsyryldy.
