Qoıan-qoltyq urystan batysqazaqstandyq úsh saqshy júldeger atandy
ORAL. QazAqparat - Aqtaý qalasynda el táýelsizdiginiń 25 jyldyǵyna oraı qoıan-qoltyq urystan ótken QR Іshki ister mınıstrligi chempıonatynda úsh birdeı batysqazaqstandyq saqshy júldeger atandy.
BQO ІІD baspasóz qyzmetinen túsken málimetke qaraǵanda, «Dınamo» dene shynyqtyrý-sport qoǵamy uıymdastyrǵan atalmysh jarysta ishki ister organdarynyń 200-ge tarta qyzmetkeri 55 pen 90 kg arasynda salmaq dárejelerine qaraı synǵa tústi.
BQO-dan barǵan polıtsııa aǵa leıtenanty Temirlan Ihsanǵalıev 80 kg salmaqta jeńimpaz atandy. Sondaı-aq polıtsııa leıtenanttary Baýyrjan Ǵumarov 70 kg salmaqta ekinshi, Ahmet Mostıkov 90 kg salmaqta úshinshi oryndy ıelendi.
Aıta keteıik, Temirlan Ihsanǵalıev áskerı sambodan da halyqaralyq dodalarda olja salyp júr. Ol 2015 jylǵy álem chempıonatynda kúmis júldege qol jetkizse, bıyl Belarýs Respýblıkasy Prezıdentiniń júldesi úshin ótken HH halyqaralyq týrnırde jeńimpaz atanǵan bolatyn.
