Qoı baǵasy qymbattaýda
ASTANA. 12 qazan. QazAqparat - Musylman qaýymynyń ulyq merekesi jaqyndaǵaly júreginde ımany bar jaǵdaıly jandardyń qurbandyq shalýǵa qam jasary belgili. Saýaby sansyz qasıetti kúnderi qurban shalyp, qan aǵyzý arqyly Jaratqan Haqqa jaqyndaǵysy keletinderdiń jappaı bazar aralap, mal tańdaıtyny túsinikti. Osy oraıda, Astana qalasyndaǵy mal bazaryndaǵy baǵa mólsheri de kúrt kóterilip, saýda kórigi qyza túsýde.
Aıtalyq, bir jasar toqty úshin bazardaǵylar 18 myń teńge surasa, ortasha qoı baǵasy 30-35 myń teńgeni quraıdy. Al, iri jáne semiz qoılardyń baǵasy 40-50 myń teńge aralyǵynda baǵalanýda.
Mal bazardaǵy baǵa narqynyń bulaısha qubylyp turatyny bul kúnde eshkimge tańsyq emes. Esterińizde bolsa, byltyrǵy jyly Qurban aıt meıramy qarsańynda qoı baǵasy 15 myńnan 50 myń teńgege deıin qymbattaǵan bolatyn.
Sondaı-aq, elordadaǵy Shapaǵat, Astanalyq jáne Ortalyq bazarlarynda keptirilgen jemis baǵasy da kóterilgen.
Bul týraly muslim kz. habarlady.
