Kovıdpen aýyrǵandar dári-dármekti kóp ishýdiń qajeti joq - almatylyq dáriger

ALMATY. QazAqparat – Almatydaǵy №4 Qalalyq klınıkalyq aýrýhananyń №2 Juqpaly aýrýlar bóliminiń meńgerýshisi Sáýle Saýranbaeva koronavırýsty jeńý joldaryn aıtty, dep habarlaıdy QazAqparat.

Dárigerdiń aıtýynsha, birinshiden, senim, medıtsına men halyqtyń ózara senimi, qoǵamdyq sana men vaktsınatsııa bolǵany durys.

«Men óz tájirıbemnen aıtaıyn: men de koronavırýsty basymnan ótkizdim, maǵan ortasha aýyr deńgeıde ótti, ókpeniń zaqymdanýy 32% boldy. Bizdiń emdelýshilerimiz qazir ne sezinetinderin jaqsy túsinemin. Biraq, men pozıtıvti boldym, kún saıyn tańerteń turyp, palatada júrýge óz-ózimdi májbúrledim. Múmkindik bar kezde júrińiz, kishkene 10 qadamnan bastańyz. Barlyq súıikti óleńder men ánderdi eske túsirip, aıtyńyz – bul tynys alý gımnastıkasy. Biraq, belsendi fızıkalyq jattyǵýlarǵa barmańyz» - dedi ol.

Dáriger bul jaǵdaıda adam aǵzasynyń barlyq músheleri saý, tek eń kishkentaı kapıllıarlardan bastap, úlken tamyrlarǵa deıingi ártúrli kalıbrlerdiń tamyrlary zardap shegetinin aıtty.

«Sondaı-aq, oraýshy júıesi de zardap shegedi, sondyqtan aýrýdyń ózine sabyrmen qarap, dáriger usynǵan, taǵaıyndaǵan aldyn-alý jáne emdeý sharalaryn júrgizýdi suraımyn» - dedi dáriger.

Dárigerler jasaǵan tájirıbelerdiń biri - kovıdpen aýyratyn naýqastarǵa dári-dármekterdi kóp engizýdiń qajeti joq. Bul jerde tamyrlar zardap shegedi, sondyqtan ımmýndyq júıege az áser etip, tamyrlardyń endotelıı qabyrǵasyna az zaqym keltirgende, naýqas tezirek qalpyna keledi.

«Naýqastarǵa lıtrlermen dáriler quıylmaıdy, olar «bos« jatyr degen pikir durys emes. Ár adam aýrýdyń aýyrlyq deńgeıine baılanysty dáriniń tıisti dozasyn alady», - dep naqtylady Sáýle Saýranbaeva.

Avtor: Dýman Arǵyngeldi