Kovalev GGG-dan nokdaýndy qalaı alǵanyn aıtyp berdi

ASTANA. QazAqparat - WBA, IBF pen IBO tujyrymdary boıynsha eks-chempıon Sergeı Kovalevtiń aıtýynsha, Gennadıı Golovkınnen nokdaýn alǵanda ol óz jattyǵýlaryn áli durys bastamaǵan bolatyn.

Buǵan deıin reseılik sportshy GGG-dan nokdaýn alǵanyn joqqa shyǵaryp keldi, dep habarlaıdy QazAqparat tilshisi «Sport-Ekspress» saıtyna silteme jasap. 

«Iá, bir rette men Abel Sanchestiń jattyǵý lagerine baryp, Genamen sparrıngke shyqqanmyn. Shyny kerek, onyń soqqysy myqty, sol kezde korpýsqa qatty tıdi. Men tizerlep, otyryp qaldym. Alaıda birden túregelip, sparrıngti jalǵastyrdym. Ózim ondaı jaǵdaıǵa tap bolǵanyma esh qysylmaımyn. Óıtkeni biz bımen aınalysyp júrgen joqpyz ǵoı. Bul - boks. Oǵan qosa, Chelıabiden endi ǵana kelgen kezim edi. Ol jaqta ishimdik iship, qydyrdym. Bir sózben aıtqanda, demalyp kelip, kúndelikti jumys rejimine beımdelmegen ýaqyt boldy», - deıdi S.Kovalev.

Onyń aıtýynsha, sol kezdegi sparrıngtiń raýndtary tórt mınýtqa deıin sozyldy. Al nokdaýn tórtinshi raýndta bolǵan.