«Kovalev-Alvares» anderkardy: Jánibektiń qarsylasy kim ekeni belgili boldy

ASTANA. QazAqparat - Qazaqstandyq boksshy Jánibek Álimhanulynyń (4-0, 1KO) kelesi jekpe-jeginde qarsylasy kim bolatyny anyqtaldy, dep habarlaıdy «SPORTINFORM»-ǵa silteme jasaǵan «QazAqparat» HAA.

Qazaqstandyq sportshy buǵan deıin 2 aqpan kúni Amerıkanyń Frısko qalasynda (Tehas, AQSh) Sergeı Kovalev pen Eleıder Alvares revanshynyń anderkardynda jekpe-jek ótkizetinin habarlaǵan bolatyn. 

BoxRec.com saıtynyń málimetinshe, Jánibektiń besinshi jekpe-jeginde onyń qarsylasy AQSh ókili,  The Hitman (jaldamaly kisi óltirýshi) atalyp ketken boksshy Stıven Martınes (18-4, 13 KO) bolady.

Eske sala keteıik, qarasha aıynda Jánibek Álimhanuly kásipqoı rıngte tórtinshi jekpe-jegin ótkizip, onda qarsylasy bolǵan amerıkalyq boksshy Aleksandr Vondy jeńgen.