Koýchıng álemniń ózge elderinde mamandyqtyń bir túri sanalady - Davıd Mashýrov
ALMATY. 6 aqpan. QazAqparat /Erlik Erjanuly/ - Bul sharanyń basty maqsaty - koýchıngti mamandyq retinde nasıhattaý.
Ony Pıtersen Imparts kompanııasynyń Ortalyq Azııa men Mońǵolııadaǵy ókildiginiń basshysy Davıd Mashýrov búgin Almatyda ótip jatqan Qazaqstandaǵy alǵashqy halyqaralyq koýchıng aptalyǵynda aıtty.
«Koýchıng qazirdiń ózinde kóptegen elderde mamandyqtyń bir túri bolyp sanalady. Degemen TMD elderinde ázirge bul olaı emes. Bizdiń basty qaǵıdamyz - klıentterimizge zııan keltirmeý. Koýchıng barlyq adamǵa birdeı kerek emes. Ol sanaly túrde óziniń aldyna maqsat qoıyp, soǵan jetýge talpynýshylar úshin kerek. Bul, ásirese basqarýshylarǵa qajet», - deıdi kásibı koých D. Mashýrov. Negizinen basqarýshy top-menedjerlermen jumys isteýge mamandanǵan ol: «Koýchıngti bilim salasynda da qoldanýǵa bolady», - deıdi. Bilim berý júıesin jańǵyrtý barysynda oqytý úderisine qazirgi zamanǵy ádistemeler men tehnologııalardy engizý jaıyn QR Prezıdenti N.Nazarbaev Qazaqstan halqyna arnaǵan bıylǵy joldaýynda da aıtty. Elbasy - "Biliktilikti bekitýdiń táýelsiz júıesin qurý qajet. Memleket bir mezgilde bilim berý qyzmetterin kórsetýge ári olardyń sapasyna baǵa berýge tıis emes. Medıtsına ınstıtýtyn bitirgen túlek birden dáriger bolyp shyǵa almaıdy. Polıtehnıkalyq joǵary oqý ornyn támamdaǵan túlek áli de ınjener emes. Oǵan óziniń maman ekenin dáleldeýge týra keledi. Búkil álemdegi tártip osyndaı. Úkimetke ústimizdegi jyly qanatqaqty rejimde salalyq assotsıatsııalar arqaýynda 1-2 salalarda táýelsiz Biliktilikti bekitý ortalyqtaryn qurýdy tapsyramyn" - dedi. Bul óte durys sheshim deýge bolady.
