Kotto promoýteri Golovkınmen jekpe-jek uıymdastyrýǵa seskenip otyr
ASTANA. QazAqparat - WBC chempıony Mıgel Kottonyń (39-4, 32 KO) promoýteri Bob Arým qazaqstandyq boksshy, WBA/IBO tıtýldarynyń ıegeri Gennadıı Golovkınmen (30-0, 27 KO) jekpe-jek uıymdastyrýǵa seskenip otyr, dep habarlaıdy sports.kz.
«Eń aldymen Kotto jekpe-jekke kimmen shyǵatynyn ózi sheshedi. Biraq menińshe, Saýl Alvarespen bolatyn kezdesý Golovkınge qaraǵanda tartymdyraq bolatyn sııaqty», - deıdi ol. «Maǵan Golovkın de, Tom Leffler de unaıdy. Golovkın uly boksshy ekenin de eshkim teriske shyǵara almaıdy, degenmen men osy jekpe-jek qansha kórermen jınaıtynyn bilmeımin».
Arýmdy bul oıǵa osynyń aldynda ótken Gıl-Golovkın jekpe-jegindegi kórermender sanynyń azdyǵy ıtermelegen bolsa kerek. HBO málimetterine qaraǵanda, atalmysh kezdesýdi 984 000 kórermen ǵana tamashalaǵan. Bul kórsetkish 2013 jyly Kertıs Stıvenspen bolǵan judyryqtasýdan áldeqaıda kem. Ol kezdesýdi 1 400 000 kórermen kórgen bolatyn.
Alaıda, boks mamandary Kottoǵa Alvarespen kezdesý qarjylyq turǵyda ǵana emes, qaýipsizdik turǵysynan da tıimdi dep otyr. Kez kelgen boksshyny sulatyp salýǵa qaýqarly Golovkın Mıgeldiń jeńisti jolyn qıyp, ony zeınetke attandyryp jiberýi ábden múmkin.
