Kotto ózin Golovkınniń besinshi raýndqa jetkizbeı nokaýtqa túsiretinin biledi - Sanches
ASTANA. QazAqparat - Gennadıı Golovkın men Martın Mıýrreı arasyndaǵy jekpe-jektiń jeńimpazy ázirge anyqtalǵan joq. Al boks jankúıerleri qazaqstandyqtyń Mıgel Kottoǵa qarsy yqtımal jekpe-jegin boljaýda.
Jeltoqsan aıynda Dúnıejúzilik boksshylar keńesi (WBC) Monte-Karloda 21 aqpanda ótetin Golovkın-Mıýrreı kezdesýiniń jeńimpazy Kottoǵa tıesili orta salmaqtaǵy WBC tıtýlyna mindetti úmitker bolatynyn málimdegen bolatyn.
Qazaqstandyqty brıtandyqpen jekpe-jekte jeńiske úmitker sanaıtyndar onyń pýertorıkandyqpen kezdesýine de boljam jasaýda. Kotto, árıne, óz tıtýlyn qorǵaýǵa quqyly, ol muny 2 mamyrda Saýl Kanelo Alvareske qarsy jarysta kórsetetin syńaıly.
«Eger Kotto jeńiske jetip, Golovkınmen jekpe-jekte mártebesin qorǵaýǵa shyǵatyn bolsa, rıngte ózgeshe jaǵdaı bolady dep oılamaımyn. Golovkın ony besinshi raýndqa jetkizbeı-aq nokaýtqa jiberedi, Kotto ony biledi», - dep málimdedi Golovkınniń bapkeri Abelıa Sanches Los-Andjelestegi baspasóz máslıhatynda. Bul týraly Boxingscene.com habarlady.
