Kotto-Gıl jekpe-jeginiń jeńimpazyna WBC-diń naǵyz chempıony kim ekenin tanytqym keledi - Golovkın
ASTANA. QazAqparat - WBA (Super), IBO jáne WBS (Interim) tujyrymdary boıynsha orta salmaqtaǵy álem chempıony, 33 jastaǵy qazaqstandyq boksshy Gennadıı Golovkın pýertorıkandyq Mıgel Kotto men Avstralııa sportshysy Denıel Gıldiń arasyndaǵy jekpe-jektiń jeńimpazymen judyryqtasý ózi úshin óte mańyzdy ekenin aıtty, dep habarlaıdy Allboxing.ru.
«Kotto-Gıl jekpe-jegin kórgim keledi. Bul aıqastyń jeńimpazymen sharshy alańda kezdesý múmkindigin kútemin, oǵan WBC-diń orta salmaqtaǵy naǵyz chempıony kim ekenin tanytqym keledi. Bul jekpe-jek men úshin óte mańyzdy», - degen Golovkınniń sózderin keltiredi Fighthype.
Esterińizge sala keteıik, 6 maýsym kúni Nıý-Iork qalasynda WBC tujyrymy boıynsha orta salmaqtaǵy álem chempıony, 34 jastaǵy Kotto óz ataǵyn qorǵaý maqsatynda álemniń orta salmaqtaǵy burynǵy chempıony, 34 jastaǵy Gılmen rıngte kezdesedi.
