Kottedjde jańajyldyq korporatıv ótkizgender anyqtaldy – Semeı
SEMEI. QazAqparat – Semeıde kottedjde jańajyldyq korporatıv ótkizgender anyqtaldy, dep habarlaıdy QazAqparat tilshisi qala ákimdiginiń Instagram-daǵy paraqshasyna silteme jasap.
«Semeıde kezekti reıd barysynda karantın talaptarynyń buzýly faktisi tirkeldi. Búgin tús kezinde bekitilgen shekteýlerge qaramastan qaladaǵy kottedjderdiń birinde ujymdyq shara uıymdastyrylǵan. Quqyq qorǵaý organdary ereje buzýshylarǵa qatysty ÁQBtK-niń 425 baby boıynsha materıaldardy jınaqtap, qalalyq sanıtarlyq-epıdemıologııalyq baqylaý basqarmasyna jiberdi», - delingen aqparatta.
Esterińizge sala ketsek, ShQO Bas memlekettik sanıtarlyq dárigeriniń qaýlysyna sáıkes, otbasylyq, saltanatty, eske alý sharalary, banketter, úılený toılary, mereıtoılar, as berý jáne basqa da buqaralyq is-sharalardy ótkizýge tyıym salynǵan.
