Kóterilisshiler basyp alǵan rezıdentsııada Kaddafı bolmaı shyqty
ASTANA. 24 tamyz. QazAqparat - Seısenbi kúni Lıvııa kósemi Mýammar Kaddafıdiń rezıdentsııasyna basyp kirgen kóterilisshiler Bab-ál-Azızııa oramynan onyń izin de taba almady.
Kaddafı men onyń uldary bul jerden tabandaryn jaltyratyp úlgeripti, dep habarlaıdy polkovnık Ahmed Omar Banıge silteme jasap AFP agenttigi.
«Bab-ál-Azızııa tutasymen bizdiń baqylaýymyzǵa kóshti. Polkovnık Kaddafı men onyń uldary munda bolmaı shyqty. Olardyń qaıda ekenin eshkim de bilmeıdi», - dep málimdedi Banı.
24 tamyz, sársenbige qaraǵan túnde Mýammar Kaddafı Trıpolı radıostansasy efırinen Lıvııa halqyna arnap sóz sóılep, «astanany tastap shyǵý, taktıkalyq júris ekendigin» aıtady. Kaddafı kóterilisshiler men NATO-nyń áskerine qarsy kúresin basqa jolmen jalǵastyratynyna ýáde beripti.
