Kóteriletin kólik salyǵy Qazaqstandaǵy avtokólikterdiń 88 paıyzyna qatysty bolmaq - E. Dosaev
«Júktemeni birtindep ósirý maqsatynda salyq mólsherlemelerin úsh sanat boıynsha saralap engizý kózdeledi. Atap aıtqanda, qozǵaltqysh kólemi 3000 tekshe santımetr 3200 tekshe santımetrge deıingi salyq mólsherlemesi 35 aılyq eseptik kórsetkishke deıin kóteriledi. ıAǵnı, elimizdegi 51 myń 411 kólikke salynatyn salyq endigine 60 myń 595 teńgeden 61 myń 985 teńgege jetedi. Al qozǵaltqyshy 3200-den 3500 tekshe santımetr quraıtyn kólikke salyq 81 726 teńgeni qurasa, qozǵaltqyshy 3500-den 4000 tekshe santımetr bolatyn kólik salyǵy 117 746 teńgege ósedi. Bul elimizdegi 27 myń 72 avtokólikke qatysty bolyp otyr», - deıdi E.Dosaev.
Degenmen, mınıstr qymbat kólikterge salyq mólsherlemesiniń munshalyqty artqanyna qaramastan, onyń kólemi Reseıge qaraǵanda áli de tómen bolyp otyrǵanyn alǵa tartady.
Sonymen qatar, Erbolat Dosaev, qozǵaltqysh kólemi 4000 tekshe santımetrden asatyn kólikterge qarastyrylǵan jeńildikter alynyp tastalatynyn jetkizdi. «Al 4 myń tekshege deıingi kólikterdegi jeńildikter saqtaly qalady», - dedi mınıstr.
