Kot-d'Ivýarlyq fýtbolshy Jerar Goý Qazaqstan quramasynda oınaýǵa daıyn
ASTANA. QazAqparat - Almatylyq "Qaırat" komandasynyń shabýylshysy Kot-d'Ivýarlyq fýtbolshy Jerar Goý Qazaqstan quramasynda oınaýǵa daıyn. Bul týraly ol ÝEFA saıtyna bergen suxbatynda málim etti, dep xabarlaıdy QazAqparat.
27 jastaǵy ıvýarlyq fýtbolshy 2014 jyldan beri qazaqstandyq premer-lıgada oınaıdy. Osy jyldary ol 70 kezdesýde 56 gol salyp, eki márte QPL-dyń úzdik shabýylshysy atandy.
"Qaırat" klýbyna kelmes buryn Jerar Goý Reseıde, Túrkııada, Shveıtsarııada oınady.
"Men Qazaqstanda eki jyldan astam turyp jatyrmyn, tilshiler meniń quramaǵa aýysý týraly pikirimdi jıi suraıdy. Men daıynmyn. Biraq ol úshin mende pasport bolýy kerek, federatsııa óziniń usynysyn jasaýy qajet. Qysqasy, eger federatsııa meniń Qazaqstan quramasynda oınaǵanymdy qalasa - men daıynmyn", - dedi Goý.
Aıta keteıik, Jerar Goý Kot-d'Ivýar quramasynda joq. Degenmen 23 jasqa deıingi Olımpıada quramasynda birneshe match ótkizdi.
