Kot-d'Ivýarda 3 kún qaraly dep jarııalandy - 60 adam qaza tapty
ASTANA. 2 qańtar. QazAqparat - Kot-d'Ivýarda 3 kún qaraly dep jarııalandy. Jańa jyl merekesinde Abıjana ortalyq stadıonyna kórermenniń kóp jınalǵany sondaı, nópir halyqtyń aıaq astynda 60 adam qalyp qoıyp, jan tapsyrdy.
Ázirge qaıǵyly oqıǵanyń naqty sebebi neden bolǵany belgisiz. Keı derekterge qaraǵanda myńdaǵan adam stadıonnan shyǵa almaı qorshaýǵa tirelip, kyspaqta qalǵan. Sondaı-aq, jasóspirimder uıaly telefon urlamaq bolyp, jurtqa pyshaq ala júgirip, kópshilik arasynda baıbalam bastalǵan. El prezıdenti Alassan Ýattara zardap shekkenderdiń halin bilip, aýrýhanaǵa bardy. Jergilikti bılik zardap shekkenderdiń emine jumsalǵan qarajatty tolyǵymen úkimet tóleıtindigin málim etti, dep habarlaıdy 24 KZ .
