Kot-d'Ivýar jaǵalaýynda ushaq apatynan tórt adam qaza tapty
ASTANA. QazAqparat - Beısenbi kúni Batys Afrıkadaǵy Kot-d'Ivýar memleketiniń Abıdjan qalasy mańynda teńiz jaǵalaýynda júk tasymaldaıtyn ushaqtyń apatqa ushyraýy saldarynan kem degende tórt adam qaza tapty. Bul týraly Reuters agenttigi kýágerlerge silteme jasap habarlaıdy.
Agenttik atap ótkendeı, ebelegi (vınt - avt.) bar ushaq Abıdjan áýejaıynan qatty jaýyn jaýyp turǵanda ushyp shyǵyp, apatqa ushyraǵan. Ushaqtyń qaldyqtary tolqynmen jaǵaǵa shyǵyp qalǵan.
Reuters agenttigiń habarlaýynsha, eki adamnyń denesi áýe kemesiniń qaldyqtary astynan shyǵarylǵan, taǵy ekeýiniki ushaqtyń basqa da bólshekteriniń arasynan tabylǵan.
Foto: koaci.com
