Kot-d' Ivýarda quldyqtan 48 bala bosatyldy
ASTANA. QazAqparat - Kot-d'Ivýarda arnaıy operatsııa barysynda quldyqtan 48 bala bosatyldy, dep habarlady «VVS» agenttigi. Sonymen qatar, adam saýdasymen aınalysqan 22 kúdikti ustaldy.
«Interpol» men Halyqaralyq kóshi-qon uıymynyń qoldaýymen júrgizilgen arnaıy operatsııaǵa 200-ge tarta polıtseı jumyldyryldy. Azat etilgen balalar Býrkına-Faso, Gvıneıa, Malı, sondaı-aq Kot-d'Ivýardyń soltústik bóliginiń týmalary ekeni habarlandy. 5-16 jastaǵy balalardy quldyqta ustap kelgen. Olar plantatsııada eńbekaqysyz birneshe saǵat aýyr jaǵdaıda jumys istep kelgen. Balalar mektepke de barmaǵan.
