Kot-d'Ivýarda qonaq úıge jasalǵan shabýyl qurbandarynyń sany 15-ke jetti
ASTANA. QazAqparat - Kot-d'Ivýardaǵy Gran-Basam kýrortynda týrısterge jasalǵan shabýyldan qaza tapqandar sany 15-ke jetti, dep habarlaıdy brıtandyq Daily Star basylymyna siltememen RIA Novostı.
Buǵan deıin 12 adam qurban bolǵany týraly habarlanǵan.
Basylym Gran-Basam jaǵajaıynda jatqan máıitterdiń sýretterin de jarııalady.
Oqıǵa jeksenbi kúni kúndiz Kot-d'Ivýardyń ońtústigindegi Gran-Basam kýrortty qalashyǵynda boldy. Aldyn ala boljam boıynsha, 4 sodyr Etoile du Sud qonaqúıinde tutqyndardy ustap otyr. Taǵy bir qonaq úıge shabýyl jasaldy degen habar bar. Sondaı-aq, 4 eýropalyq qaza tapqany málim.
