Qosymsha qarjy bólinbese, nesıelik seriktestikter toqyraýy múmkin - AShM
«Qazirgi ýaqytta bankterdiń qarjylandyrýy azaıyp barady. Máselen, nesıeleý kólemi 292 mıllıardtan 222 mıllıard AQSh dollaryna deıin, ıaǵnı 24 paıyzǵa tómendegen. Lızıng boıynsha da nesıeleý 62-den 42 mıllıard teńgege nemese 30 paıyzǵa azaıǵan», - deıdi A.Evnıev Parlament Senatyndaǵy agroónerkásip kesheniniń máseleleri talqylanǵan dóńgelek ústelde.
Vıtse-mınıstrdiń aıtýynsha, mınıstrlik barlyq nesıeleý men lızıngtiń tómendeýi faktorlaryna taldaý jasaǵan.
«Nátıjesinde, neni kórip otyrmyz? Eń aldymen, nesıeler qymbat, ekinshiden sharýalardyń kepilge qoıar múlki jetkiliksiz. Ózin-ózi aqtaý merzimi de uzaq. Aýyl sharýashylyǵynyń tabysy saýda nemese munaı-gaz salasyndaǵydaı joǵary emes. Nesıelik seriktestikter qazirdiń ózinde yńǵaıly sharttardy ustanyp otyr. Eger biz qosymsha qarjy bermesek, onda nesıelik seriktestikter damýynda toqyraýǵa tap bolýymyz múmkin», - deıdi ol.
Arman Evnıev dóńgelek ústelde máseleni sheshýge qatysty mınıstrliktiń usynysyn da bildirdi.
«Osyǵan oraı naryqtyń týyndatyp otyrǵan máselelerine naqty naryqtyq sharalardy usynyp otyrmyz. ıAǵnı, negizgi qarjynyń nesıesi boıynsha syıaqy mólsherlemesiniń sýbsıdııasy men aýyl sharýashylyǵy tehnıkasyna beriletin lızıngti qalpyna keltirý mańyzdy. Bul shara nesıelik júktemeni jeńildetip, AÓK sýbektterin nesıeleýdi arttyrady. Sonymen birge, bul shara aýyl sharýashylyǵy tehnıkalaryn jańartýǵa múmkindik berip, ónimdilikti kóteredi», - dep túıdi ol.
Foto: forbes.kz