Qosymsha aqy tóleý qaǵıdasy shuǵyl medıtsınalyq járdem kórsetýge qatysty emes, tıisinshe jedel járdem qyzmeti aqyly bolmaıdy - Densaýlyq saqtaý mınıstrligi
ASTANA. 12 qazan. QazAqparat - Qazaqstan Respýblıkasynyń Densaýlyq saqtaý mınıstrligi medıtsınalyq qyzmetterge qosymsha aqy tóleý júıesin engizý týraly birqatar qoǵamdyq birlestikterdiń bastamasy QR Densaýlyq saqtaý mınıstrligi janyndaǵy patsıentterdiń quqyǵyn qorǵaý qoǵamdyq keńestiń otyrysynda qaralǵanyn habarlaıdy.
Nátıjesinde atalǵan másele el azamattarynyń talqysyna usynylyp, osy maqsatta daýys berý uıymdastyryldy. Eger qosymsha aqy tóleý qaǵıdasy qoǵam tarapynan maquldanyp jatsa, balalar, áıelder jáne ózge de áleýmettik az qorǵalǵan turǵyndardan basqalary josparly medıtsınalyq qyzmetterge ketetin shyǵynnyń bir bóligin ózderi tóleýi múmkin.
Aıta ketý kerek, qosymsha aqy tóleý qaǵıdasy shuǵyl medıtsınalyq járdem kórsetýge qatysty emes, tıisinshe jedel járdem qyzmeti aqyly bolmaıdy.
QR Densaýlyq saqtaý mınıstrligi «jedel járdem» qyzmetiniń jumysy úshin turǵyndardan aqy alý týraly jobany júzege asyrý jóninde bastama kótergen emes. Elimizde tegin medıtsınalyq kómektiń kepildik berilgen kólemi bar jáne solaı bolyp qala beredi.
Daýys berý qorytyndylary QR Densaýlyq saqtaý mınıstrliginiń resmı saıtynda jáne BAQ-ta jarııalanatyn bolady.
