Qosymsha 24 myńnan astam jol belgisin ornatý kerek - ІІM
NUR-SULTAN. QazAqparat –QR ІІM Ákimshilik polıtsııa komıteti tóraǵasynyń orynbasary Serik Túsipov jol ınfraqurylymyn tekserý nátıjesin aıtty, dep habarlaıdy QazAqparat tilshisi.
«Jyl basynan jol ınspektsııanyń bólimsheleri 360 myń shaqyrymdy qamtı otyryp, 20 myńǵa tarta avtojoldy zerttedi. Osynyń nátıjesinde elimizdegi joldarda qosymsha 24 myńnan astam jol belgisin ornatý qajettigi anyqtaldy», - dedi S. Túsipov onlaın brıfıngide.
Onyń aıtýynsha, joldaǵy qaýipsizdikke teris áser etetin jol ınfraqurylymyna qatysty biraz kemshiligi anyqtaldy. Osy oraıda bul kemshilikterdi joıý boıynsha 19 myńǵa jýyq nusqaý joldanyp, joldy kútip ustaýǵa jaýapty 2 myńnan astam laýazymdy qyzmetshige aıppul salyndy.
Budan buryn habarlanǵandaı, bıylǵy 7 aıda jol erejesin buzýdyń 4 mln-ǵa jýyq jaǵdaıy anyqtaldy.
Sonymen qatar S. Túsipov jaıaý júrginshilerdiń tártibine qatysty problemany aıtty.
