Qosylǵan qun salyǵyn qaıtarý tártibi jeńildedi
Komıtettiń málimetinshe, QQS qaıtarýdy ákimshilendirýdi jetildirý maqsatynda turaqty negizde QQS qaıtarý rásimin ońaılatý boıynsha jumys júrgizilip jatyr.
«Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine ózgerister men tolyqtyrýlar engizý týraly» Qazaqstan Respýblıkasynyń 2020 jylǵy 10 jeltoqsandaǵy № 382-IV Zańymen jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksin qoldanysqa engizý týraly» Qazaqstan Respýblıkasynyń Zańymen «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasy Kodeksiniń 434-babyna óz óndirisiniń ónimderin eksporttaıtyn kásiporyndar úshin qosylǵan qun salyǵynyń asyp ketý somasynyń 50% mólsherinde ońaılatylǵan tártibinde qaıtarýdy kózdeıtin túzetý engizildi», delingen habarlamada.
Joǵaryda kórsetilgen túzetýler 2021 jylǵy 1 qańtardan bastap qoldanysqa engen. Atalǵan jeńildik taýarlaryn ózi óndiretin kásiporyn bolyp tabylatyn salyq tóleýshilerge, eger bir mezgilde mynadaı sharttar oryndalsa:
1) qosylǵan qun salyǵyn tóleýshi nóldik stavka boıynsha salyq salynatyn taýarlardy, jumystardy, kórsetiletin qyzmetterdi turaqty ótkizýdi júzege asyrsa;
2) taýarlardy, jumystardy, kórsetiletin qyzmetterdi turaqty ótkizý júzege asyrylǵan salyq kezeńi úshin nóldik stavka boıynsha salyq salynatyn ótkizý boıynsha aınalym ótkizý boıynsha jalpy salyq salynatyn aınalymnyń keminde 70% qurasa qoldanylady.
Bul rette taýarlaryn ózi óndiretin kásiporyndardyń tizbesin saýda qyzmetin retteý salasyndaǵy ýákiletti organ, ıaǵnı Qazaqstan Respýblıkasynyń Saýda jáne ıntegratsııa mınıstrligi bekitedi.
Salyq kodeksiniń 434-baby 3-tarmaǵyna sáıkes QQS-ty ońaılatylǵan tártippen qaıtarý QQS boıynsha deklaratsııany tabys etý úshin sońǵy kún ótkennen keıingi 15 jumys kúni ishinde júrgiziledi.
Sonymen qatar, QQS boıynsha deklaratsııa toqsan saıyn esepti salyq kezeńinen keıingi ekinshi aıdyń 15-i kúninen keshiktirilmeı tabys etiledi.
«Bul norma tekserý sanyn qysqartýǵa múmkindik beredi. Sebebi, talaptar oryndalǵan jaǵdaıda, salyqtyq tekserý júrgizbesten QQS somasy qaıtarylady», - dep tolyqtyrdy Memlekettik kirister komıteti.
