Kostıa Tszıýdyń uly kásibı rıngtegi alǵashqy kezdesýinde jeńiske jetti
ASTANA. QazAqparat - Bir kezderi bokstan absolıýtti álem chempıony atanǵan Kostıa Tszıýdyń uly Tımofeı Tszıý kásibı rıngtegi alǵashqy kezdesýinde jeńiske jetti, dep jazdy Lenta.rý.
21 jastaǵy reseılik boksshynyń avstralııalyq Zorran Kessedıdiń jekpe-jegi josparlanǵan alty raýndqa sozyldy jáne tóreshilerdiń sheshimimen Tszıýdyń jeńisimen aıaqtaldy. Úsh arbıtr jeńisti reseılikke berdi - 60:54.
Kessıdı kásibı rıngte bes kezdesý ótkizgen. Onyń bireýinde jeńiske jetip, úsheýinde jeńilgen jáne bir oıynda qarsylasymen teń túsken.
Úlken Tszıý 2005 jyly 35 jasynda óz mansabyna núkte qoıdy. Ol kásibı rıngte 34 kezdesý ótkizip, 31 jeńiske (26 nokaýt) jetken, eki ret jeńilis tapqan jáne taǵy bir kezdesý talapqa saı emes dep tanyldy.
