Kostıa Tszıý sharshy alańǵa qaıta oralýy múmkin
ASTANA. Sáýirdiń 21-i. QazAqparat - 63,5 keli salmaqtaǵy kásibı boksshylar arasyndaǵy burynǵy absolıýtti álem chempıony Konstantın Tszıý áli kúnge deıin aldaǵy sporttyq joly qalaı bolaryn aıqyndaı almaı-aq keledi. Avstralııanyń «Foks Sports Nıýz» telearnasynda sóılegen sózinde Tszıý kezekti márte óziniń jasyna (40-qa toldy) da qaramastan, tipti sońǵy ret osydan bes jyl buryn judyryqtasqanyn eskermegende de - sharshy alańǵa qaıta shyǵyp qalýy múmkin ekenin joqqa shyǵarmaıtynyn málimdedi.
«Men ózimniń ketetinim týraly resmı málimdegen joqpyn, - dedi Tszıý. - Rıkkı Hattonnan jeńilip qalǵannan keıin men eshqashan bokstan múldem kettim degenim joq. Eger durys usynys túsip jatsa, men rıngke qaıta oralýymdy joqqa shyǵarmaımyn. Saıys aıtarlyqtaı deńgeıde bolýy qajet. Saqadaı saı ázirlenip, kúshimdi jınap alýym úshin 6 aı ǵana qajet, sondyqtan qarsylasym aıryqsha boksshy bolýy shart. Men ataqty qarsylaspen kezdesý úshin qandaı da aýyrtpalyqty kóterýge ázirmin».
