Kostenko shahtasyndaǵy TJ: Jarylys tolqyny 2 shaqyrymǵa jetken
Kostenko shahtasyndaǵy jarylys tolqyny 2 shaqyrymǵa jetken. Bul týraly Kásibı áskerılendirilgen apattyq-qutqarý qyzmetteriniń Respýblıkalyq ortalyq shtaby Qaraǵandy fılıalynyń dırektorynyń orynbasary Gennadıı Sılınskıı óńirlik brıfıngide aıtty, dep habarlaıdy Kazinform.
«Jarylys tolqyny 2 shaqyrym boldy. Bul shahtada tekserý 9 qazannan 30 qazanǵa deıin júrgizilýi tıis edi. Aldyńǵy tekserýlerdiń nátıjesinde 200-den astam buzýshylyq tabylǵan. Negizgi buzýshylyq – gaz mólsherin baqylaýdyń sapasyzdyǵy. Osy turǵyda tıisti baqylaý bolmaǵan», - dedi Gennadıı Sılınskıı.
Aıta keteıik, búgin Qaraǵandy oblysyndaǵy Kostenko atyndaǵy shahtada órt bolyp, 33 kenshi qaza tapty.
Memleket basshysy kenshilerdiń týǵan-týystaryna kóńil aıtty. Sondaı-aq, 29 qazan Jalpyulttyq aza tutý kúni bolyp jarııalandy.
