Kostenko shahtasyndaǵy apat: kenshiler qansha jalaqy alǵan
Kostenko shahtasyndaǵy apattan qaıtys bolǵan kenshiler qansha jalaqy alǵan? Atalǵan suraqqa QR Premer-Mınıstriniń orynbasary Tamara Dúısenova jaýap berdi, dep habarlaıdy Kazinform.
«Apattan qaıtys bolǵan kenshilerdiń tabysy týraly derekter otbasynyń sandyq kartasy arqyly tekserildi. Olardyń jalaqysy 300 myńnan 1,6 mln teńgege deıin bolǵan. Óıtkeni olardyń arasynda jas kenshiler de bar. Sondyqtan jalaqy kólemi boıynsha aıyrmashylyq bar. Sonymen qatar jalaqy kólemi jumysshynyń biliktiligi men fýnktsıonaldyǵyna baılanysty», - dedi Tamara Dúısenova Úkimet úıinde ótken baspasóz máslıhatynda.
Sondaı-aq BAQ ókilderi Tamara Dúısenovadan «Apatty jaǵdaıdan keıin kenshilerdiń jalaqysy óse me? dep surady.
«Bul másele jyl saıyn qaralady. Jalaqydan bólek, ujymdyq shartta olardyń jumys kólemin oryndaǵany úshin qosymsha tólemder qarastyrylǵan. Aldyńǵy jyldary ınflıatsııa deńgeıinde, sodan keıin óndiris kólemi turǵysynan qarastyryldy», - deıdi ol.
