Kostenko shahtasyndaǵy apat: 46-shy kenshiniń dene bólshekteri tabyldy

Úkimet otyrysynda Tótenshe jaǵdaılar mınıstri Syrym Sháriphanov Qaraǵandynyń Kostenko shahtasyndaǵy apattan qaza tapqan adamdardyń sany 46-ǵa jetkenin málim etti, dep habarlaıdy agenttigi kazinform. 

«Búgingi kúni izdestirý-qutqarý jumystary barysynda 45 kenshiniń denesi jáne aldyn-ala boljam boıynsha 46-shy qaza tapqan adamnyń dene bólshekteri tabyldy. Qaıtys bolǵan 40 adamnyń jeke basy anyqtaldy, altaýy áli belgisiz. Olardy sáıkestendirý úshin tıisti saraptama júrgiziledi. Іzdeý jumystary elektr energııasynyń bolmaýymen, taý-ken qazbalarynyń uzyndyǵymen, kóptegen buzylǵan mehanızmderdiń bolýymen qıyndady. Sý basqan jekelegen taý-ken qazbalarynda jumys jasaý qıynǵa tústi», — dedi mınıstr.

Sondaı-aq, ol shahtanyń qyzmetin qalpyna keltirý úshin taý-ken qazbalaryn zertteý jáne jekelegen ýchaskelerde sý sorý jumystary júrgizilip jatqanyn málim etti.

«Avarııanyń sebepterin tergep-tekserý sheńberinde Úkimettik komıssııa múshelerimen birge shahtaǵa tústim. Biz óte mańyzdy buzylýlardy anyqtadyq. Taý-ken qazbalarynda shahta jabdyqtary jyljyp ketken. 15-ten astam oqshaýlaǵysh bógetter men jeldetý qurylystary qıraǵan», — dedi Syrym Sháriphanov.

Aıta keteıik, 28 qazanda Qaraǵandy oblysyndaǵy Kostenko atyndaǵy shahtada apat bolyp, keıin 45 adamnyń qaza tapqany habarlanǵan bolatyn. 

Osyǵan baılanysty Qazaqstanda 29 qazan — Jalpyulttyq aza tutý kúni bolyp jarııalandy. 

30 qazanda birqatar BAQ órt kezinde shahtada qalyp qoıǵan 46 adamnyń da denesin týystary tanyǵanyn habarlady.