Kostenko shahtasyndaǵy 46 kenshiniń qazasyna qatysty is sotqa joldandy

ASTANA. KAZINFORM – Qaraǵandy oblysy Kostenko shahtasyndaǵy 46 kenshiniń qazasyna qatysty is sotqa joldandy. Bul týraly Bas prokýror Berik Asylov málimdedi.

- Bas prokýratýranyń arnaıy prokýrorlarynyń basshylyǵymen VJTT Kostenko shahtasyndaǵy 46 kenshiniń qazasyna qatysty qylmystyq isti tergeýdi aıaqtady.

10 aıyptalýshyǵa qatysty is taý-ken jumystarynyń qaýipsizdik erejelerin buzý (QK 277-babynyń 3-bóligi) boıynsha sotqa joldandy, - dep jazdy baqylaýshy organ ókili H jelisindegi paraqshasynda.

Eske salsaq, 28 qazan saǵat 2:33-te Qaraǵandy oblysyndaǵy Kostenko atyndaǵy shahtada apat boldy. Apat kezinde shahtada 252 adam bolǵan, jer betine 205 shahter shyǵaryldy.

Qazaqstan Prezıdenti Qasym-Jomart Toqaev qaza tapqan kenshilerdiń týǵan-týystary men jaqyndaryna kóńil aıtyp, zardap shekkenderdiń tezirek saýyǵyp ketýin tiledi.

Úkimetke kenshilerdiń otbasylaryna barlyq qajetti kómek kórsetýdi tapsyrdy. Oqıǵanyń mán-jaıyn anyqtaý úshin úkimettik komıssııa quryldy.

Sondaı-aq, «ArselorMıttalTemirtaý» kompanııasymen ınvestıtsııalyq yntymaqtastyqty toqtatý tapsyryldy.

9 jeltoqsanda shahtadaǵy jarylysqa ulasqan órttiń sebepterin tekserý jónindegi Úkimet komıssııasynyń qorytyndy otyrysy ótti. Komıssııa jumysynyń qorytyndysy boıynsha jumys berýshiniń kinási 100% anyqtalyp, jumysty qaýipsiz oryndaý talaptaryn buzǵan 19 jaýapty tulǵa anyqtaldy.