Kostenko shahtasynda 33 adam qaza bolǵany anyqtaldy

Sońǵy derekke saı, Kostenko shahtasynda 33 adam qaza bolǵany anyqtaldy, dep habarlaıdy Kazinform tilshisi Rýslan Ǵabbasov oqıǵa ornynan.

16:00-degi jaǵdaı boıynsha, 32 kenshiniń mert bolǵany habarlanǵan edi.

Shahtada 33 adam qaza bolǵany anyqtaldy. Bul týraly Kásibı áskerılendirilgen apattyq-qutqarý qyzmetteriniń Respýblıkalyq ortalyq shtaby Qaraǵandy fılıaly dırektorynyń birinshi orynbasary Gennadıı Sılınskıı málimdedi.

«Jalpy shahtadaǵy 33 adamdy taptyq. 13 kenshini izdestirip jatyrmyz. Qutqarýshylar ondaǵy órtti aýyzdyqtady. Zardap shekkenderdi apat bolǵan ýchaskeden shyǵarǵannan keıin, bar kúsh-jigerdi shahtanyń shyǵys bóligindegi jumystarǵa baǵyttaımyz», - dedi G. Sılınskıı Kazinform tilshisine bergen suhbatynda.

Onyń aıtýynsha, qaza bolǵan shahterlerdiń birazynyń aty-jóni áli naqtylanbaǵan.

«Olardyń dene múshelerine qatty zaqym kelgen. Sondyqtan naqty anyqtaý qıyndaý bolyp tur», - dedi fılıal dırektorynyń birinshi orynbasary.