Kostenko shahtasyn qaıta qalpyna keltirýge qansha ýaqyt ketedi – ákim jaýap berdi

Kenshiler men metallýrgter tarapynan «ArselorMıttal» ketkennen keıin keıbir shahtalar jabylady degen qaýeset tarady. Qaraǵandy oblysynyń ákimi Ermaǵanbet Bólekpaev Óńirlik kommýnıkatsııa qyzmetiniń alańynda ótken brıfıngide jumysshylardyń bul boljamyn joqqa shyǵardy, dep habarlaıdy Kazinform tilshisi. 

«Barlyq 8 shahta jumys isteıtin bolady. Búgingi tańda 4 shahta tolyq kólemde jumys istep jatyr. Qalǵandary ártúrli sebepterge baılanysty toqtap tur. Daıyndyq jumystary júrgizilýde, «Qazaqstan» shahtasynda áli de jumys júrip jatyr. Kostenko shahtasynda tergeý aıaqtalǵan joq. Mamandardyń baǵalaýy boıynsha, bul shahtanyń jumysyn qalpyna keltirý úshin taǵy 2,5 aı qajet. Shahtalardyń jabylatyny týraly sóz bolǵan emes. Ol týraly naqty aıta alamyn», - dedi oblys ákimi.

Aıtýynsha, kompanııanyń jańa basshylarynyń aldyna óndiristegi qaýipsizdikti qamtamasyz etýge qomaqty qarajat salý jóninde sharttar qoıylmaq. Bul memleket tarapynan qoıylatyn basty talaptardyń biri bolady.