Kostenko atyndaǵy shahtada qaza tapqan kenshiler sany 22-ge jetti

Qaraǵandy oblysyndaǵy Kostenko atyndaǵy shahtadaǵy órt saldarynan qaza tapqan kenshiler sany 22-ge jetti, dep habarlaıdy Kazinform oblystyq TJD baspasóz qyzmetine silteme jasap. 

Aıta keteıik, búgin tańerteń Kostenko atyndaǵy shahtada órt bolyp, 11 adam kóz jumǵanyn, ártúrli dárejedegi jaraqattarmen aýrýhanaǵa 18 adam jetkizilgenin jazǵan edik.

Odan keıin opat bolǵandary sany arta berdi. Qazirgi sátte qaza bolǵan kenshilerdiń sany 22-ge jetip otyr. 

QR Prezıdenti Qasym-Jomart Toqaev qaza tapqan kenshilerdiń týǵan-týystary men jaqyndaryna kóńil aıtty.

Sondaı-aq, Prezıdent Úkimetke «ArselorMıttalTemirtaý» kompanııasymen ınvestıtsııalyq yntymaqtastyqty toqtatýdy tapsyrdy.

Odan bólek, QR Bas prokýratýrasy Kostenko atyndaǵy shahtadaǵy órt faktisi boıynsha taý-ken nemese qurylys jumystaryn júrgizý kezinde qaýipsizdik qaǵıdalaryn buzý baby boıynsha sotqa deıingi tergep-tekserý bastalǵanyn habarlady.