Qostanaılyqtarǵa tórt júz myńǵa jýyq elektrondy memqyzmet kórsetildi
Búgingi tańda Qazaqstannyń tizilimindegi 746 memlekettik qyzmettiń 621-in «Azamattarǵa arnalǵan úkimet» arqyly alýǵa bolady. Korporatsııanyń Qostanaı oblysyndaǵy fılıaldary jyl basynan beri turǵyndarǵa 783 703 qyzmet kórsetken, sonyń 368 618-i elektrondy formatta bolǵan.
«Sondaı-aq jyl basynan beri 154 112 ETsQ berildi. Osy kezeń ishinde Connection Point ózine-ózi qyzmet kórsetý sektorlarynda turǵyndar derbes túrde 198 374 qyzmetke qol jetkizgen. Korporatsııa memlekettik qyzmetterdi avtomattandyrý jáne ońtaılandyrý boıynsha qarqyndy jumys júrgizip keledi», - dep málimdedi fılıaldyń baspasóz qyzmeti.
Qazaqstan proaktıvti memlekettik qyzmetter korsetý prıntsıpin engizgen TMD-daǵy alǵashqy el boldy. Ótken jyldyń jeltoqsan aıynda azamattarǵa balanyń týýyna baılanysty qyzmetterdi proaktıvti rejımde kórsetý bastaldy.
«Qyzmetke HQO nemese elektrondyq úkimet portalyndaǵy jeke kabınette qol jetkizýge bolady», - deıdi fılıal ókilderi.
Elektrondy qyzmetter salasynda basty jańalyqtardyń biri avtomobıldi onlaın tirkeý múmkindiginiń paıda bolýy ekendigi belgili. Endi ETsQ arqyly azamattar elektrondyq úkimet portalynda avtomobılin mamandandyrylǵan HQO nemese ІІM tirkeý-emtıhan bólimshesine barmaı-aq tirkeı beredi.
