Qostanaılyqtar VIP nómirler satyp alýǵa 38 mln teńge jumsaǵan
QOSTANAI. QazAqparat - Jyl basynan beri qostanaılyqtar avtokólik nómirlerin satyp alý úshin 38 mln teńge jumsady, dep habarlaıdy QazAqparat oblystyq ІІD-niń baspasóz qyzmetine silteme jasap.
Oblystyq ІІD-niń Tirkeý-emtıhan jumystary bóliminiń málimetinshe, óńirdegi kólik júrgizýshiler arasynda 010 nómir belgisi erekshe tanymal. Mundaı 54 dana nómir satylǵan. Odan keıin 077 nómiri 27 kólik ıesine ótken.
«Kóp suranysqa ıe bolǵan 010, 020, 030, 040, 050, 060, 070, 077, 080, 090, 707 nómirleriniń baǵasy 57 AEK qurady. 888 nómirin óńirdiń 9 turǵyny satyp alǵan. Al 999 nómirin 7 kólik ıesi enshilegen. Jalpy, jyl basynan beri 144 VIP nómir satylǵan. Jalpy, jyl basynan beri qostanaılyqtar ádemi nómirler úshin bıýdjetke 38 208 235 teńge aýdardy», - delingen oblystyq ІІD baspasóz habarlamasynda.
Sonymen qatar, qarapaıym memlekettik tirkeý nómiriniń qasynda tek ádemi áripterdiń tizilgenin qup kórseńiz, onda qosymsha 137 myń teńge tóleýge týra keledi. Qostanaılyq kólik júrgizýshiler XAS, BEK, AAA, SAK árip belgilerin kóbirek tańdaǵan. 
