Qostanaılyqtar valıýta satyp alýǵa 75 mlrd teńge jumsaǵan
QOSTANAI. QazAqparat - Qostanaılyqtar 9 aıdyń ishinde shetel valıýtasyn satyp alýǵa 75 mlrd teńge jumsaǵan, dep habarlaıdy «QazAqparat» HAA tilshisi QR Ulttyq banktiń bólimshesine silteme jasap.
«2017 jyldyń 9 aıy ishinde oblys halqynyń shetel valıýtasyn satyp alýǵa jumsaǵan shyǵyndary shamamen 75 mlrd teńgeni qurady, onyń ishinde Reseı rýblin satyp alýǵa 52%-y nemese 39 mlrd teńge, Reseı rýblin satyp alýǵa 41%-y nemese 30 mlrd teńge, eýroǵa 7%-y nemese 6 mlrd. teńge bolǵan», - dep habarlady ÓKQ brıfıngi barysynda Ultyq banktiń Qostanaı bólimshesiniń dırektory Jomart Qajrahımov.
Ol qolma-qol shetel valıýtasyna degen suranysty jeke tulǵalardyń jeke shyǵyndaryn óteýge - shetelge barý, shetelge aqsha aýdarý, jınaqtardy ártaraptandyrý, sondaı-aq, saýda-sattyq sharalary boıynsha shaǵyn kásipkerliktiń belgili bir sanattarynyń qajettilikteri dep túsindiredi.
«Sonymen qatar, aǵymdaǵy jyldyń qyrkúıek aıynda ótken aımen salystyrǵanda eki jetekshi valıýtany satyp alý kóleminiń tómendegenin baıqaýǵa bolady: dollar - 23%-ke jáne eýro - 2,5%-ke azaıǵan. Bul - jalpy demalystardyń aıaqtalýymen, sondaı-aq halyqtyń devalvatsııalyq boljalynyń turaqtanǵanymen túsindiriledi», - dep atap ótti ol.
