Qostanaılyqtar úsh kúnde 2,5 mıllıon teńgeniń qarýyn ótkizdi
Oblystyq Polıtsııa departamenti baspasóz qyzmetiniń málimetinshe, qostanaılyqtar 3 kún ishinde zańsyz saqtalǵan 43 qarýdy polıtsııaǵa tapsyrǵan. Onyń ishinde 7 oıyq uńǵyly myltyq, 1 tapansha jáne 36 tegis uńǵyly myltyq, sondaı-aq 38 patron bar. Tólem somasy 2 mıllıon 553 myń teńgeni qurady.
Polıtseıler habarlaǵandaı, endi 600 myń teńgeden astam somaǵa qarý qabyldaý josparda bar.
«Bıyl osy maqsatta Qostanaı oblysynda 3 mln 200 myń teńge bólingen. Ótkizilip jatqan aktsııa týraly oblys turǵyndary áleýmettik jeliler arqyly bilgen. Búgingi kúni azamattardan 39 ótinish kelip tústi. Aıta ketý kerek, aktsııa onlaın formatta ótip jatyr. Qarý-jaraq zattaryn óz erkimen tapsyrǵandarǵa komıssııanyń sheshimine sáıkes, onyń tehnıkalyq jaǵdaıyna baılanysty árbir qarý birligi úshin 10-nan 100 AEK-ke deıingi somada tólem kózdelegen. Syıaqy tólemi qarý-jaraq zattaryn tapsyrǵan azamattardyń usynǵan shottaryna aýdarylady», - deıdi Qostanaı oblysy Ákimshilik polıtsııa basqarmasynyń bastyǵy Andreı Grıgorevskıı.
Polıtseıler atap ótkendeı, tirkelmegen qarýdy óz erkimen tapsyrǵan tulǵalar qylmystyq jáne ákimshilik jaýapkershilikke tartylmaıdy.
Atys qarýyn, oq-dárilerdi jáne jarylǵysh zattardy qabyldaý onlaın rejıminde júzege asyrylady. Polıtseıler túsken ótinish boıynsha azamattardyń úılerine baratyn bolady. Qostanaı qalasy boıynsha jedel jeli telefony: 52-68-38.
