Qostanaılyqtar «Nurly jer» arqyly kottedj kiltine ıe boldy
Kottedjder Qostanaıdyń irgesindegi Zarechnyı kentinde ornalasqan. Jańa baspanaǵa ıe bolǵan 14 úı ıesin Qostanaı oblysynyń ákimi Arhımed Muhambetov pen Turǵyn úı qurylys jınaq bankiniń basqarma tóraıymy Lázzat Ibragımova quttyqtady. Kottedj kiltine ıe bolǵandardyń 10-y turǵyn úı qurylys jınaq bankiniń salymshylary. Jer telimin alýǵa kezekte turǵan aımaq turǵyndary qýanyshtaryn jasyrmady.
«Jubaıym ekeýmiz 11 jyl boıy jer telimin alý úshin kezekte turdyq. Eki balamyz bar. Bizdi shaqyryp, jermen birge daıyn úıdi de alýdy usynǵan kezde, birden kelistik. Qurylys jumystaryn únemi baqylap otyrdyq. Barlyǵy sapaly jasaldy. Osyndaı múmkindik jasap otyrǵan Elbasyna alǵysymyz sheksiz, - dep áserimen bólisti bank salymshysy Dınara Erǵazına.
Turǵyndarǵa aýmaǵy 90 jáne 110 sharshy metr bolatyn bir jáne eki qabatty úıler buıyryp otyr. Jer teliminen úmitkerler ózderine tıesili 10 sotyq jerde memlekettik tegin rásimdedi, al sol jerde turǵyzylǵan úıdi 1 sharshy metrin 115 000 teńgeden satyp aldy. Bul rette jer ıeleri turǵyn úı qurylys jınaq bankine júgingen.
«Bank salymshylarǵa jyldyǵy 5% bolatyn zaem berdi. Syıaqy mólsherlemesi Qazaqstan ıpotekalyq kompanııasy tólegen memlekettik sýbsıdııanyń arqasynda tómendetildi. Nesıe rásimdeý úshin TÚQJB depozıtinde úı qunynyń kem degende 30%-yn qajet boldy. «Nurly jer» baǵdarlamasynyń jeke turǵyn úı qurylysyn damytýǵa arnalǵan pılottyq baǵytynyń aıasynda memleket salymshylarǵa tıesili 10 sotyq jerdi ǵana berip qoımaı, sol jer teliminde jeke turǵyn úı salýǵa da kómektesti. Barlyǵy da sheteldik úlgide salynǵan», - dedi banktiń oblystyq fılıaly dırektorynyń orynbasary Dáýren Esenbekov.
Jyl sońyna deıin Qostanaı oblysynda taǵy 60 úı paıdalanýǵa beriledi. Kelesi jyly kottedj úılerdiń qurylysy jalǵasady. Jalpy alǵanda, bul aýmaqta 270 nysan boı kóteredi dep josparlanyp otyr.
