Qostanaılyqtar qazaqstandyqtardyń «sáttilik kartasyn» jasaýdy usyndy
Oblystyq Qazaqstan halqy Assambleıasy hatshylyǵynyń meńgerýshisi Bıbigúl Aqqojına aıtqandaı, QHA-nyń XXVII sessııasyna Qostanaı óńirinen 39 adam qatysty. Onyń ishinde oblys ákimi Arhımed Muhambetov te bar.
«Respýblıkalyq QHA múshelerinen basqa sessııaǵa konsýltatıvtik-keńesshi organdardyń, QHA qoǵamdyq qurylymdarynyń basshylary qatysty.Tatýlyq pen kelisim qundylyqtary - Elbasy saıasatynyń asa mańyzdy basymdyqtary boldy. Sonyń arqasynda qoǵamymyzdyń kópultty bolýy, mádenıetter men tilderdiń alýantúrliligi bizdiń artyqshylyǵymyz ben jetistigimizge, Qazaqstan damýynyń berik negizine aınaldy. Qazaqstan halqy Assambleıasynyń XXVII sessııasy qazaqstandyqtardyń tabysty bastamalardy iske asyrýǵa birge umtylatynyn taǵy da kórsetip berdi», - deıdi Bıbigúl Aqqojına.
Assambleıa sessııasyna alǵash ret qatysqan Qostanaı oblystyq QHA Qoǵamdyq kelisim keńesiniń múshesi Elena Kashırına jańa jobalardy bastaıtyn ýaqyt kelgenin aıtady.
«Men bul is-sharaǵa alǵash ret qatyssam da, maǵan keremet áser qaldyrdy. Jalpy, qoǵamdyq sanany jańǵyrtý degenimiz ne? Munyń astary tereńde. Bul osyndaı sessııalarda uǵynyqty aıtylady. Osy jolǵy sessııa shynymen de úlken jobalarǵa shabyttandyrdy. Tyń bastamalardy júzege asyratyn ýaqyt jetti», - deıdi E.Kashırına.
Sondaı-aq, Assambleıa múshesi áleýmettik jelilerdiń múmkindikterin paıdalanyp, sáttilik kartasyn jasaýdy usyndy.
«Men «Qazaqstandyq degen kim?» atty sáttilik chelendjin bastar edim. Chellendj sharty boıynsha, árkim Facebook jáne Instagram jelisinde óz fotosýretin salyp, jetistikkke áser etetin faktorlary týraly jazýy tıis. Mysaly, men elde jastarǵa kórsetilip jatqan múmkindikterdi jazyp, ony basqa adamǵa joldaımyn. Osylaısha qazaqstandyqtardyń sáttilik kartasy jasalady», - dep usyndy ol.
