Qostanaılyqtar 1 mamyrdy ulttyq naqyshta toılamaqshy

QOSTANAI. QazAqparat - Bıyl qostanaılyqtar 1 mamyrdy etno-jármeńke, qala turǵyndarynyń qatysýymen kvest jáne etno-kontsertpen atap ótedi, dep habarlaıdy QazAqparat tilshisi.

Dástúr boıynsha tańerteńnen bastap Qostanaı qalasynyń ortalyǵynda aýqymdy aýyl sharýashylyǵy jármeńkesi ashylady. Munda oblystaǵy etnomádenı birlestikterdiń uıymdastyrýymen etno-jármeńke de uıymdastyrylady.

Qostanaı qalasynyń ortalyǵynda saǵat 11.00-de barlyǵy «Kóktem, dostyq, bir halyq» kontserttik baǵdarlamasyn tamashalaı alady.

Túske qaraı qala turǵyndarynyń kópten kútken etnokvesti ótedi. Kvest aıasynda 7 ýchaskede 7 komanda qazaqstandyqtardyń tól mádenıetiniń dástúrli elementterin kórsetedi. Túski astan keıin saǵat 14:00-de qostanaılyqtardyń kezekti «Ethnomixs» atty kontserttik baǵdarlamasy bolady, onda zamanaýı óńdeýdegi ulttyq mýzykalyq nómirler kórsetiledi.

Sondaı-aq mereke kúni Qostanaı jaǵalaýynda Dostyq alleıasynyń boıyna aǵash otyrǵyzý josparlanýda