Qostanaılyq jýrnalıst Golovkınge arnap án shyǵardy
QOSTANAI. QazAqparat - Qostanaılyq jýrnalıst Nurlan Qısyqov qazaqstandyq boksshy Gennadıı Golovkınge án arnady. Bul týraly «QazAqparat» HAA tilshisine «GGG» ániniń avtory men oryndaýshysy aıtyp berdi.
Bul mýzykalyq týyndynyń sózin, ánin, tipti klıpin de Nurlan ózi daıyndaǵan.
«Gennadıı Golovkın - rıng koroli! Ol - elimizdiń maqtanyshy! Onyń mamyrdaǵy jekpe-jegi qarsańynda qoldaý kórsetý maqsatynda maǵan án jazý týraly oı keldi. Keshe ǵana klıpti tolyq qurastyryp, ınternetke júktedik», - deıdi Nurlan Qısyqov.
Jýrnalıstiń budan basqa da sportshylardy qoldaý taqyrybyndaǵy týyndylary bar eken.
«Shamamen eki aptadaı buryn Devıs Kýbogynda óner kórsetip jatqan qazaqstandyq tennısshilerdi qoldaýǵa baǵyttalǵan taǵy bir ánim shyqqan. Golovkınge án arnaý ıdeıasy osydan keıin keldi», - deıdi ol.
Nurlannyń aıtýynsha, Golovkın týraly áninen keıin oǵan kóptegen qońyraýlar túse bastaǵan. Ol óz ánin 8 sáýirdegi Golovkınniń týǵan kúnine arnaǵynyn da aıtyp ótti.
«Ánshi nemese rep aıtýshy bolamyn dep múldem oılamappyn. Biraq kúnde túsip jatqan munsha qońyraýdan keıin, bolashaqta ózimdi mýzyka salasynda synap kórsem be degen oı kelip júr», - dep kúledi ol.
Foto: f10.pmo.ee
