Qostanaılyq júrgizýshi 50 myń teńge suraǵan polıtseılerdi sotqa berdi
QOSTANAI. QazAqparat - Qarabalyq aýdandyq soty 50 myń teńge para alǵan ІІB 2 qyzmetkerine qatysty isti qarady, dep habarlaıdy QazAqparat oblystyq sottyń baspasóz qyzmetine silteme jasap.
Іs derekterinde kórsetilgendeı, oqıǵa osy jyldyń tamyz aıynda Qarabalyq aýdanynda bolǵan. Aýdandyq ІІB eki polıtseıi mingen avtopatrýl Qarabalyq aýylynda qoǵamdyq tártipti tekserýge shyǵady.
«Avtopatrýl esirtkige masań kúıde bolýy múmkin degen kúdikpen «Vaz-2110» avtokóliginiń júrgizýshisin toqtatady. Eki polıtseı júrgizýshige medıtsınalyq kýálandyrý qajettigin eskertedi. Áńgimelesý kezinde AІІB qyzmetkerleri zańsyz aqsha alý maqsatynda 50 myń teńge talap etedi. Sol arqyly júrgizýshini medıtsınalyq kýálandyrýdan ótkizbeı, ákimshilik quqyqbuzýshylyq týraly hattamany toltyrmaýǵa ýáde bergen», - delingen sottyń baspasóz habarlamasynda.
Bul oqıǵadan soń kólik júrgizýshisi óz erkimen jemqorlyqqa qarsy kúres qyzmetine polıtseılerdi jaýapqa tartý úshin aryz jazady.
«Sot úkimimen aýdandyq ІІB qyzmetkerleri kináli dep tanyldy. Olar 35 AEK nemese 1 mln 750 myń teńge kóleminde aıyppul óteıdi. Polıtseıler memlekettik qyzmetten ómir boıy shettetildi», - dep túsindiredi oblystyq sottyń baspasóz qyzmetindegiler.
Sot QR QK 49-babyna súıenip, sottalýshylardy shenderinen aıyrdy.
